لا والله
الألبوم: ولا كيف 
الكاتب: زياد رحباني 
الملحن: ليبر وشتولر 

كلمة كلمة يا حبيبي تا افهم عليك
أو دوّر على غيري بتفهم اذا رح تبقى هيك
يكون بيحكي بسرعة قدك ما يسمع عليك
بتشارع ضيعة يا حبيبي وما بتقدر عليك
بدك دولة أو شي أمة أو أكبر من هـــيك
يمكن كوكب أو شي أكبر تا يستوعب ليك
ولك بس هوه هيه .. وين بعلمي العقل كبير
مش سم و هم وغم و ذم وقدح وتشهير
بتحكي فوقي بحكي فوقك, شو رح نستفيد
صدقني يوماً عن يوماٍ حكيك عم بزيد
بتقول لي بتضلي تعيدي و أنت يلي عم تعيد
ومأكد دايماً من كل شي وما في شي أكيد
مبشرني بأسعد مستقبل, اي منا لو السعيد
هوه عشر عصافير عالشجرة وما في واحد بالايد
ولك بس هوه هيه .. وين بعلمي العقل كبير
مش سم و هم وغم وذم وقدح وتشهير
يا ريت بتعمل شي علناً كله عالسكيت
حاجي تنفخ دخنة بوجي و لو بتدخن لايت
كيف طل الورد بشباكي مع أنو ما دقيت
يا ريت إنت و أنا بالبيت، بس كل واحد ببيت
فعلاً حلوة هالغنية بس جداً سمّيت
ولك بس هوه هيه .. وين بعلمي العقل كبير
مش سم و هم وغم وذم وقدح وتشهير
حجرة حجرة يا حبيبي منقدر نبني بيت
زرت الشارقة و قطر و مسقط, جدة و الكويت
و رجعت منفض ولا قرش مجمع ولا خبّيت
كرسي كرسي يا حبيبي منالحيط للحيط
عازم كل الضيعة يا قلبي و ما بيساع البيت
اذا ناوي بهالشكل تأسس رجعني عالبيت
ولك بس هوه هيه .. وين بعلمي العقل كبير
مش سم و هم وغم وذم وقدح وتشهير
هي كلمة يا ريت .. عمرها ما عمرت بيت
اضافة لقائمة تشغيل
طباعة الكلمات
تحميل الأغنية

© 2019 إذا غنت فيروز