يا مرسال المراسيل
الألبوم: تغني فيلمون وهبي 
الكاتب: الأخوين رحباني 
الملحن: فيلمون وهبي 

يا مرسال المراسيل عالضيعة القريبي
خدلي بدربك هالمنديل و اعطيه لحبيبي
عالداير طرزتو شوي إيدي و الأسوارة
حيكتلو أسمو عليه بخيطان السنارة
بخيطان الزرق و حمر و غناني الصبيان السمر
كتبتلو قصة عمر بدموعي الكتيبي
خدلي بدربك هالمنديل و اعطيه لحبيبي
بيتو باخر البيوت قدامو عليي
بتوصل عالبيت و بتفوت و بتسلم الهديي
و لو عنا قال و كتر قلو خليه يتذكر
عهالمنديل الأصفر ببعتلو مكاتيبي
خدلي بدربك هالمنديل و اعطيه لحبيبي
و بتجيبلي منو تذكار شي ورقة و شي صورة
عالورقة يكتب أشعار و أسمو على الصورة
و لما بتبكي المواويل يسأل عن أهل المنديل
يا مرسال المراسيل و سلم عا حبيبي
خدلي بدربك هالمنديل و اعطيه لحبيبي
اضافة لقائمة تشغيل
طباعة الكلمات
تحميل الأغنية

© 2020 إذا غنت فيروز